1.

Si tua que quondam fuerit fortuna revolvis,

      Et quam nunc pateris rite videre velis,

Cum dominam late te totus senserit orbis,

      Proxima Tarpeio sit que inimica domus,

5

Et dolor et lacrime, gemitus et murmura tristem

      Iure premunt animum, nec minus ora rubor.

Non tamen ut semper iaceas, sed tempore verso

      Acrior ut surgas, te cecidisse puta.

2.

Ergo age femineo ultra non sic ista dolore

Dura feras. Dolor ipse iram, post iram pudorque

Incendat vires. Subeat Mavortia virtus;

Et domitis reprobis resonat Romana potestas.

5

Sic senio gelidum ardor nempe pudoris et ire

Sustulit Entellum, priscis iam viribus acrem

Compulit et iuvenis nimio fervore superbi

Litore Trinacrio vires superare Daretis.